Қарағанды қаласы білім бөлімінің № 16 ЖББМ КММ-нде мектеп педагогтары мен қызметкерлері арасында Қазақстан Республикасының Конституциясы күніне арналған «Конституция - Жаңа Қазақстан тірегі» тақырыбында дөңгелек үстел өткізілді.
Шара барысында тәуелсіздігімізді айғақтайтын, нақтылайтын негізгі құжат – Ата заңның пәрменділігі төңірегінде ой толғаған қатысушылар елімізде тұрып жатқан көптеген ұлт өкілдерінің бірлігі мен ынтымағының негізі осы құжаттың өзегінде жатқандығын атап өтті.
Баяндамашы тарих пәнінің мұғалімдері: Утебаева Камшат Жиенбайқызы: «Кез келген мемлекет үшін Конституцияны қабылдау әрқашан тағдыр шешті мәнге ие. Ел Конституциясы - бұл Негізгі Заң ғана емес, сонымен бірге белгілі бір тарихи кезеңдегі қоғам өмірінің өзіндік айнасы» - деп атап өтсе, Қабышев Айдос Қанатұлы Ата Заң ел азаматтарының бостандығы мен құқығын қамтамасыз ете отырып, Қазақстанның әлемдік кеңістікте өзге мемлекеттермен бәсекеге түсе алатын зайырлы қоғамымен ерекшеленетіндігіне тоқталды.
Іс-шара соңында қатысушылар өз ұсыныстарын білдіріп, осындай кездесулерді өткізудің маңыздылығын атап өтті.