«Калимбетов Д.Ж.» жеке кәсіпкерлігі
«Мектепке жол» акциясына қатысты

Жыл сайын 01 тамыз бен 30 қыркүйек аралығында «Мектепке жол» дәстүрлі республикалық қайырымдылық акциясы өткізілуде. Осы акцияның көмегімен әрбір бей-жай қарамайтын адам әлеуметтік осал, көп балалы және аз қамтылған отбасылардың балаларына қолдау көрсете алады.
«Калимбетов Д.Ж.» жеке кәсіпкерлігі осы дәстүрлі жалпы республикалық қайырымдылық акциясына белсенді қатысып, №16 ЖББМ КММ-не 2 оқушыға арналған мектеп сөмкесі және кеңсе тауарлары түрінде көмек көрсетті.
«Калимбетов Д.Ж.» ЖК қызметкері О. Калимбетова көмек көрсету барысында: «Құрметті Қарағандылықтар! Біз сіздерді жақсылық жасауға, мұқтаж жандарға жылулық пен қамқорлық жасауға шақырамыз. Біздің әрқайсымыз халықтың әлеуметтік осал топтарынан шыққан балаларды мектепке дайындауда, атаулы көмек көрсетуде өз тарапымыздан белсенділік таныта аламыз. Барлық балаларды білім күнімен құттықтаймыз! Мықты денсаулық және жақсы оқу тілейміз!» - деп халықты қамқорлық жасауға шақырды.