Жаңа оқу жылының басталуы қарсаңында мектеп формасы туралы мәселе өзектендіріледі. Бүгінгі таңда Қазақстан Республикасының оқу ағарту министрлігі « Орта білім беру ұйымдары үшін міндетті мектеп формасына қойылатын талаптарды бекіту туралы» 2016 жылғы 14 қаңтардағы № 26 бұйрыққа өзгерістер енгізуде, оған сәйкес білім басқармасы облыс бойынша мектеп формасының біріңғай түсін ұсына алады. Талдау көрсеткендей, облыста 2017 жылдан бастап мектеп оқушыларының 90% -дан астамы қою көк түсті мектеп формасын киеді. Осыған байланысты білім бөлімдерінің басшыларымен, мектеп директорларымен аппараттық кеңестерде осы түсті мектеп формасына жаппай көшу туралы мәселе бірнеше рет талқыланды.
Құрметті ата-аналар! Жаңа 2022-2023 оқу жылына жолақтарсыз, торсыз, шотланкасыз қою көк түсті мектеп формасына сатып алуға кеңес береміз. Мектеп формасына орта білім беру ұйымдарының айырым белгілерін ( эмблема, жапсырма , шеврон және т.б.) орналастыруға рұқсат етіледі.
Әрбір ата-ана өндірушіні таңдауда тәуелсіз және мектеп формасын кез- келген нарықта , дүкенде немесе жеткізушілерден сатып алуға құқылы. Бұл ретте мектеп әкімшілігінің жекелеген мектеп формасын шығарушыларды ұсынуларыңа жол берілмейтініне баса назар аударуларыңызды сұраймыз.