Қарағанды қаласының білім бөлімі ММ №16 ЖББМ КММ-нде жалпы орта мектепті бітірушілерге аттестат тапсыру рәсімі жыл сайын маусымның жылы күндерінің бірінде дәстүрлі түрде өтіп отырады.
Сол дәстүр бүгін де жалғасын тауып, мектебіміздің 11-сынып оқушылары жалпы орта білім туралы аттестаттарын алып болашақ атты үлкен өмірге жолдама алды!
Түлектеріміздің қайсысы болса да өзіндік орны қалыптасқан ерекше тұлғалар. Біреулері білімімен биік шыңға шықса, біреулері өнерімен, әнімен, жеткен жетістіктерімен таңғалдырды. Түлектеріміз аудандық, облыстық пәндік олимпиадалардың жеңімпазы болды. Осы орайда мектебіміздің үмітін ақтаған «Алтын белгі» иегері 11б-сынып оқушысы Маратбаева Алина Асетовна және «Үздік аттестат» иегері Токарева Анастасия Олеговнаны мақтанышпен айтқымыз келеді.
Құрметті түлектер, қанаттарың талмасын, биіктерге шырқай беріңдер! Жоғары оқу орнына оқуға түсіп, студенттік дәуірді қызықты өткізіп, абыроймен бітіріңдер. Таңдаған мамандықтарыңның иесі болып, кәсіпқой маман болыңдар! Мектеп өмірі артта қалды, алдарыңда күтіп тұрған жаңа өмірдің баспалдақтарынан сүрінбей өте берулеріңе тілектеспіз!