Буллинг – қорлау, қудалау, мазалау дегенді білдіреді. Адам үйде, мектепте, автобуста немесе интернетте, жалпы айтатын болсақ, кез-келген жерде буллингке ұшырауы мүмкін. Бұл кез келген адамның басында болатын жағдай. Ал, кибербуллинг - әлеуметтік желілер, онлайн ойындар және лездік хабарламалар қосымшалары арқылы интернеттегі психологиялық зорлық-зомбылықтың бір түрі, қорқыту, қорлау.
Осындай құқық бұзушылықтарға жол бермеу мақсатында Оңтүстік Шығыс полиция бөлімінің кәмелетке толмағандар ісі жөніндегі инспекторы М.Е. Мұқышев Қарағанды қаласы білім бөлімінің №16 ЖББМ КММ-нде бастауыш сыныптары арасында «Буллинг және кибербуллингтің алдын алу» тақырыбында түсіндірме жұмыстарын жүргізді.
Іс-шара барысында осындай құқық бұзушылықтардың қазіргі кезде көбеюіне тойтарыс беру, күресу мемлекеттің басты назарында екендігі және мұндай жағдайларға душар болмас үшін оқушылар мектептің ішкі тәртіп жарғысына және ата-аналарының кеңесіне құлақ салу керектігі айтылды.
Оқушылар іс-шараны қызығушылықпен тыңдады, сұрақтар қойды, оған мектеп директорының ТІ жөніндегі орынбасары С.С. Тусупбеков және полиция қызметкері М.Е. Мұқышев толықтай мысалдар келтіріп, жауап берді, сондай-ақ, техникалық қауіпсіздік туралы нұсқаулықтар да таныстырылды.