2022 жылдың 15 сәуірінде «Қарағанды қаласының ОКЖ» КММ №11 кітапхана филиалында №16 жалпы білім беретін мектептің 9 «г» сынып оқушылары арасында кәсіптік бағдар беру, оларға кітапханашы мамандығы туралы ақпарат беру мақсатында «Мамандық таңдау – болашақ таңдауы» атты ақпарат сағаты өткізілді.
Кітапханаға саяхат жасалып, слайд-презентация көрсетіліп, жалпы кітапхана ісі туралы ақпарат берілді. Сонымен қатар жарнама парақшалары таратылып, кітапхана мамандығын таңдауға кеңес берілді.
Мектеп кітапханасының меңгерушісі Бигүл Оңғарбаевна оқушыларға мамандық таңдауда қателеспей, өмірлік жолдарын дұрыс таңдап, егеменді еліміздің мықты маман иелері болыңдар, -деп тілегін білдірді.