Қарағанды қаласы білім бөлімінің № 16 жалпы білім беретін мектебінің 8ә-сынып оқушыларымен «Қош келдің, Әз Наурыз» тақырыбында сынып сағаты өткізілді. Іс-шара барысында 14 наурыз - Көрісу мейрамы, амал мерекесі туралы кеңінен түсіндірілді.
Сонымен қатар, ертеден мерекеленіп келе жатқан мейрамның бірі - Наурыз мейрамы, бұл мереке жыл сайын наурыз айының 22-де күн мен түн теңеліп, қар еріп, көк шыға бастаған көктем айында тойланатыны, сондықтан, наурыз күнін адамдар жаңа жылдың басы деп есептеп, жақсы тілекпен, зор қуанышпен қарсы алғандығы туралы оқушыларға мол мағлұматтар берілді.
Оқушылар Наурыз мейрамына арнаған әндер айтты, тақпақтар оқыды, дәстүрден көріністер көрсетті.