2022 жылғы 14 ақпанда Қарағанды қаласы білім бөлімінің № 16 ЖББМ КММ әкімшілігі және мектеп әдістемелік бірлестігінің басшылығы Кеңес әскерінің Ауған жерінен шығарылғанына 33 жылдығына орай Ауған соғысы ардагерлерімен кездесу ұйымдастырды.
Іс-шараға Ауған соғысының ардагерлері: Жұматаев Айтбай Мұхтарұлы, Мұсатаев Төлеуғазы Әбілмансұрұлы, Елемесов Талап Базарбайұлы қатысты. Шараға қатысқан қонақтарымыз өздерінің ерліктері туралы баяндап, жастарды өз Отанын сүюге, жаудан қорғауға, өз елінің патриоты болуға шақырды.
Аталған іс-шара барысында мектеп оқушылары ауған соғысының ардагерлеріне толғандырған сұрақтарын қойып, қанағаттанарлық жауаптар алды. Мектеп директорының тәрбие ісі жөніндегі орынбасары С.С. Тусупбеков қонақтарға алғыс білдіріп, бұл кездесу оқушылар үшін маңызы зор, тағылымы мол үлгі-өнеге болатындығын атап өтті.