Қазақстан Республикасы Тәуелсіздігінің 30 жылдығы қарсаңында Қарағанды қаласы білім бөлімінің «№ 16 ЖББМ» КММ-нде Оңтүстік-Шығыс полиция бөлімінің кәмелетке толмағандар ісі жөніндегі инспекторы, полиция капитаны Скакова Қызғалдақ Бауыржанқызы мектеп оқушыларына патриоттық рухта тәрбие беру мақсатында «Балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу» тақырыбында түсіндірме жұмыстарын жүргізді.
«Ел болам десең, бесігіңді түзе» деп атам қазақ айтқандай, әрбір ата-ана өз баласының тәртібі мен тәрбиесіне мән беріп, бос уақыттарында немен айналысатынына қатаң бақылау жасаса, жасөспірімдер арасында құқық бұзушылық пен қылмыстың төмендеуіне көп септігін тигізер еді. Сонымен қатар, әр азаматтың міндеті - заң талаптарын бұзбау, екінші жағынан өзіне жүктелген міндетін орындау. Заңның ең басты мақсаттарының бірі – қоғамдағы алуан мінезді адамдарды салауатты өмір салтына тәрбиелеу. Заңды білмеу, оны бұзу - жауапкершіліктен құтқармайтынын жас ұрпаққа үнемі түсіндіру қажет» - деп атап өтті инспектор өз баяндамасында.
Түсіндірме жұмысы барысында оқушылардың толғандырған сұрақтарына жауап беріп, құқық бұзушылық айғақтары бойынша мысалдар келтірілді.
Авторство:
