1 желтоқсан ел үшін маңызды күндердің бірі, себебі, осы күні қазақстан халқы «Тұңғыш Президент күні» мерекесін тойлайды. Бұл күндері еліміздің түкпір–түкпірінде қазақстандықтардың шынайы және кең қолдауына ие болған мемлекеттік мереке - Қазақстан Республикасының Тұңғыш Президенті күнін атап өтуге арналған әртүрлі іс-шаралар көптеп өткізіледі. Сондай іс-шаралардың бірі Қарағанды қаласы білім бөлімінің № 16 жалпы білім беретін мектебінде де болып өтті.
Атап айтқанда, «Менің Президентім» атты сурет көрмесі бастауыш сынып оқушыларының арасында ұйымдастырылып, оған оқушылар белсене қатысты. Іс-шара мақсаты: Болашақ ұрпаққа Елбасымыз Н.Ә. Назарбаев туралы мағлұмат беру. Тұңғыш Президент өмірі мен еңбек жолын үлгі-өнеге ете отырып, оқушылардың патриоттық сезімдерін арттыру.