2021 жылғы  29 қазанда Қарағанды қаласы Білім бөлімінің № 16 жалпы білім беретін мектеп ұжымының ұйымдастырумен оқушылардың қамқоршыларымен мектеп арасындағы қарым-қатынасты нығайту мақсатында «Қамқоршы күнін» атап өтті. Мерекелік іс-шара барысында мектеп директоры С.Д. Изтулеуова мектеп қамқоршыларына алғыс білдіріп, құттықтау сөз сөйлеп, арнайы алғыс хаттармен марапаттап, жетім және қамқорлыққа алынған балалардың құқықтарын қорғау мәселелері туралы баяндама жасады.

Іс-шара соңында мектеп оқушылары мерекелік шағын қойылым жасап, мектеп қамқоршыларының көңілін көтерді. Қамқоршылар дөңгелек үстел басында өздерінің өткен өмір жолдары мен көрген қиындықтары туралы әңгіме айтып, оқушылардың сұрақтарына жауап берді.