2021 жылғы 14 қазанда Қарағанды қаласы №16 жалпы білім беретін мектебінде педагогтардың ұйымдастыруымен Қазақстан Республикасының Тәуелсіздігінің 30 жылдығына арналған «Тәуелсіздіктің 30 жылдығына - 30 қадам» атты «Өнегелі өмір» жобасы аясында көрнекті ғалым, археолог, профессор Жауымбаев Сағындық Убайовичпен кездесу өткізілді.
Дөңгелек үстел барысында профессор С.У. Жауымбаев мектеп педагогтары мен оқушыларға Елбасымыздың «Мәдени мұра», «Болашаққа бағдар: рухани жаңғыру» бағдарламалары бойынша Орталық Қазақстанда археологиялық зерттеу жұмыстарын ұйымдастырып, жүргізгендігі, сондай-ақ оның жетекшілігімен «Алат» ежелгі-металлургиялық кешені» зерттеліп, Орталық Қазақстанның археологиялық ескерткіштерінің тізімі құрастырылғандығы туралы қызықты әңгіме жүргізді. Әңгіме барысында Академик Е.А. Бөкетов атындағы Қарағанды университеті, тарих факультеті деканының ғылыми жұмыс жөніндегі орынбасары, PhD докторанты Смағұлов Нұртас Бірлікұлы ұстазы профессор Сағындық Убайовичпен жүргізген экспедиция кезіндегі жүргізген зерттеу жұмыстары туралы айта өтті. Оқушылар әңгіме барысында өз көкейлеріндегі сауалдарын қойып, оған толыққанды нақты жауаптар алды.