Елбасы Жолдауына халықтың қолдауы.

Тақырыбы:  "Ұлттық рух ұлы істерге бастайды"

Елбасының биылғы Жолдауының мәні де, мазмұны да ерекше.        

Біріншіден, ол әдеттегіден әлдеқайда ерте және мемлекетіміздің Тәуелсіздік мерекесі қарсаңында жасалды. Екіншіден, онда елімізді дамытудың 2050 жылға дейінгі стратегиялық бағдарламасы жан-жақты қарастырылған.

    Бізді, білім беру саласының қызметкерлерін, айрықша қуантқаны - мемлекеттің  саяси, экономикалық, мәдени дамуының қарышты да, қуатты қадамдарын, халықтың әл-қуатын күшейтудің тын жолдарын белгілей отырып, Жолдауда ұлттың рухани жаңғыруына баса көңіл бөлінгені. Нұрсұлтан Әбішұлының: «Тілге деген көзқарас, шындап келгенде, елге деген көзқарас екені даусыз. Қазақ тілі жаппай қолданыс тіліне айналып, шын мәнінде мемлекеттік тіл мәртебесіне көтерілгенде елімізді  «Қазақ мемлекеті» деп атайтын боламыз",- деген пікірі өзін қазақ ұлтының перзентімін деп есептеймін  әрбір адамның көкейіндегі ойды тап басты.

Ұлтттық рух ұлы істерге жолбасшы болатынын тарих сан мәрте дәлелдеген. Мәселен, түрік елі де, жапон жұрты мен Франция да, тіпті кез келген мемлекет ұлттық мүддені көздеген шақта ғана жаңарулар мен жаңғыртуларға қол жеткізді. Елбасымыз Нұрсұлтан Назарбаевтың кейінгі Жолдауымен таныса отырып, 2050-шы  жыл еліміздің еңселену биігі, әлемдік қауымдастықтың алдынғы сапына шығатын меже болатынына күмәнсіз сендім.

Р.Жаксыбаева № 16 ЖББОМ

қазақ тілі мен әдебиет пәні мұғалімі.