2012 жылдың 11 сәуірінде 12-14 жас аралығында қалалық «Жол қозғалысының жас инспекторлары» атты сайыс өтті. Бұл сайысқа №16 жалпы білім беретін орта мектебінің атынан 6-7 сынып оқушылары қатысып, 46 мектеп ішінен 1-інші орынға ие болды. «Бағдаршам» жасағының топ басшысы – Сапарғали Ақниет ерекше белсенділік көрсетіп, «Жаса жасағы» атты презентацияны қорғап, саптық байқауда топбасшы ретінде барлық өнерін салды. «Қауіпсіз дөңгелек» сайысында Кәртай Алмат пен Әбілхан Ерік өздерінің жүргізушілік шеберлігін танытты. «Жас санитар» - Болатбекова Амина мен Ахметова Жадыра алдарына қойған тапсырмалардың барлығын тамаша орындады. «Эрудит» сайысына қатысқан Қалижанова Айгерім МАИ мен ЖҚЖИ тарихынан келген сұрақтарға мүдірмей жауап берді. «Жас тілші» байқауына қатысушы Нурмагамбетова Айым «МАИ-дің 20-жылдығы»  атты шығарманы жазғанда сауаттылығымен қатар, шығармашылығымен көзге түсті. «Жолда жүру ережесі» бойынша ауызша-жазбаша тестілеуден Құрметбек Бауыржан өтті. «Жас реттеуші» сайысына қатысқан Темірбаева Айзада мен Жағыпарова Кәмилә реттеушінің сигналдарын көрсетті. Топтың барлық мүшесі «Үгітбригада» байқауына қатысып, жан-жақты екендігін көрсете білді.

    «Бағдаршам» жасағын дайындаған 6А сынып жетекшісі Өтебай Гүлден Ғазизқызы.

Жарайсыңдар, «Бағдаршам» жасағы!