ЖЕҢІС ҚҰТТЫ БОЛСЫН!

 

2026 жылғы 30 қазанда Қарағанды қаласындағы Ы. Алтынсарин атындағы мектеп-лицейінің базасында «Сарыарқа дарыны» балаларға қосымша білім беру Аймақтық Ғылыми-Практикалық Орталығының ұйымдастыруымен жалпы білім беретін мектеп оқушылары арасында ұлы ағартушы Ыбырай Алтынсариннің шығармалары негізінде «Тағылымға толы Ыбырай мұрасы» атты облыстық бейнероликтер мен анимациялық фильмдер байқауы өтті.

 

Байқаудың негізгі мақсаты – оқушылардың шығармашылық қабілеттерін дамыту, Ыбырай Алтынсариннің рухани мұрасын дәріптеу және ұлттық құндылықтарды насихаттау.

 

Аталған байқауда мектебіміздің 8 «А» сынып оқушысы Қайыркен Архат жетекшісі Айгерім Абылайқызының қолдауымен жоғары нәтиже көрсетті.

 

Архат алдымен қалалық кезеңде І орын иеленіп, облыстық кезеңге жолдама алды. Ал облыстық кезеңде де үздік өнер көрсетіп, І орынның жеңімпазы атанды.

 

Жас жеңімпазымыз Қайыркен Архатты және жетекшісі Айгерім Абылайқызын шын жүректен құттықтаймыз!

 

Шығармашылық шабыт, толағай табыс, жаңа жетістіктер мен биік белестер тілейміз! Білім мен ізденіс жолындағы жеңістеріңіз көп болсын