МЕКТЕПТЕН МЕКТЕПКЕ: «МҮМКІНДІКТЕР ЭКСПЕДИЦИЯСЫ»
«Тәжірибе. Талдау. Даму»
29 қазан 2026 жыл
№29 жалпы білім беретін орта мектебі «Келешек мектеп»
Бүгін мектебімізде «Заманауи инфрақұрылым мен цифрландыру мүмкіндіктері» тақырыбында «Мектептен мектепке: Мүмкіндіктер экспедициясы» атты кәсіби тәжірибе алмасу іс-шарасы өткізілді.
Іс-шараның басты мақсаты — білім беру ұйымдары арасындағы ынтымақтастықты нығайту, озық педагогикалық тәжірибелерді зерделеу, заманауи білім беру технологиялары мен тиімді әдіс-тәсілдерді ортақ талқылау арқылы білім сапасын арттыруға ықпал ету.
Экспедиция барысында қатысушылар:
Мектептің заманауи инфрақұрылымымен, оқу кабинеттерімен, зертханаларымен және білім беру кеңістіктерімен танысты;
Мұғалімдердің инновациялық педагогикалық тәжірибелерін зерделеді;
Цифрландыру мен STEM/STEAM технологияларын оқу үдерісінде қолдану мүмкіндіктерін талқылады;
Өз мектептерінде қолдануға болатын тиімді шешімдер мен тәжірибелерді анықтады.
Семинар аясында ұсынылған үздік тәжірибелер:
«Smart City 2050: ойлан, құрастыр, сына — болашақ қаласын STEM технологиялары арқылы жаса!»
«SMART ҰСТАЗ: Білімге бағытталған интеллект»
«Ғылым сиқыры: Қарапайым заттардың тылсым сыры»
«Ми Start» әдісі
«Табиғат инженериясы: бастауыштағы Сингапур әдістері мен STEAM кейстер»
«Үздік тәжірибе – нәтижелі сабақ: бастауыш білім берудегі 7 креативті әдіс»
«Бір батырма – бір мүмкіндік: мұғалімге арналған вайбкодинг»
«Весёлый старт — путь к здоровью: игровые технологии и командные эстафеты на уроках физической культуры в начальном и среднем звене»
Іс-шараның келесі кезеңінде I тоқсанның қорытындылары талданып, өзекті мәселелер мен оларды шешу жолдары қарастырылды. Педагогтер нәтижелі тәжірибелерді енгізу мүмкіндіктерін талқылап, алдағы бірлескен жұмыстардың бағыттарын айқындады.
«Тәжірибе. Талдау. Даму» — бұл жай ғана тәжірибе алмасу емес, жаңа идеяларға жол ашатын, кәсіби дамуға серпін беретін және білім сапасын арттыруға бағытталған ортақ қадам!
Осындай мазмұнды кездесулер білім беру ұйымдары арасындағы ынтымақтастықты нығайтып, әр мектептің даму мүмкіндіктерін кеңейтетіні сөзсіз.
Іс-шараға қатысқан барлық педагогтерге белсенділігі, кәсіби ізденісі және тәжірибе бөлісуге қосқан үлесі үшін алғыс білдіреміз!
Бірге үйренеміз, бірге дамимыз, бірге жетістікке жетеміз!
Авторство:
