ҚАРТТАРЫМ — ҚАЗЫНАМ!
Қарттар күніне орай 10 «А» және 10 «Ә» сынып оқушылары сынып жетекшілері Құндыз Тұяқовна және Эльмира Қырлыбаевнаның ұйымдастыруымен, ата-аналардың қолдауымен Ермекова көшесі, 120 мекенжайында орналасқан «Өмір» қарттар үйіне барып, үлкендерімізге құрмет көрсетіп қайтты.
«Қарттарым — қазынам» тақырыбында шағын концерттік бағдарлама ұсынылды. Оқушылар домбырамен күй тартып, ән шырқап, қара өлең оқып, өз өнерлерін ортаға салды.
Ақ дастархан жайылып, қарттарға дәм ұсынылып, кішігірім сый-сияпаттарымыз табысталды.
Бұл кездесу — оқушылар үшін үлкен тағылым, ал қарттарымыз үшін сағынышты басып, көңілге жылу сыйлаған ерекше сәт болды. Ақ баталарын беріп, алғыстарын білдірген ақсақалдарымыз бен әжелеріміздің жүзінен қуаныш көру — біз үшін үлкен бақыт.
Еліміздің өнегелі қарттары әрдайым аман-есен болсын!
Әр шаңырақта қарттардың ақ батасы мен мейірімі орнасын!
Қарттарымыз — біздің асыл қазынамыз!
Авторство:
