2015 жылдың 12 желтоқсан күні тарих пәні мұғалімі Оспанова К.М. апталықты қорытындылау мақсатында 8-11 сынып оқушыларымен Елбасының «ҚАЗАҚСТАН ЖАҢА ЖАҺАНДЫҚ НАҚТЫ АХУАЛДА: ӨСУ, РЕФОРМАЛАР, ДАМУ» тақырыбындағы жаңа жолдауын талқылады. Жолдауда Елбасы «елімізді экономикалық дағдарыстан қиындықтарға ұрындырмай алып шығудың сара жолдарын айқындап, басым бағыттарын белгілеп бергенін баса көрсетті. Зейнетақыны, еңбекақыны көтермегенмен, оны төмендетпей экономикалық дағдарысты еңсеріп алуға бағыт ұсталатынын айтты. Дағдарыстың уақытша екенін, оны еңсерудің жолы қарастырылатынына сендірді. Егемен еліміз алған биіктер мен табыстар ұлтаралық татулық, өзара келісім мен бірліктің арқасында келіп отырғанын жастардың ойына сіңіру керектігі сөз болды. Бүгін еліміз бағыт ұстап отырған «Мәңгілік Ел» болудың нұрлы жолында барша қазақстандықтар жұмылған жұдырықтай қимылдап, ортақ Отанымыздың гүлденуіне үлес қосуы керек деуі де орынды. Болашақ - жастардың қолында екені де шындық. Жолдауда аға ұрпақтың қолымен жасалған құндылықтарды көздің қарашығындай сақтау қажеттігіне маңыз берді». Оқушылар пікір алмасып, өз ойларын ортаға салды. Елбасының жастарға, яғни өздеріне сенім артып отырғанын сезінді. Жолдауды талдағаннан кейін оқушыларға «Елбасы жолы: От өзен. Теміртау» фильмі көрсетілді. Оқушыларға бұл шара ұнады. Өз ризашылықтарын білдірді.