«Абай бол, жас дос!» атты мектепішлік іс-шара туралы ақпарат
ҚББ хатына сәйкес және Қарағанды қаласының ІІБ хабарламаларына сәйкес ЖББ №66 ОМ 2015ж. мамыр айының 04 – 30 дейінгі аралықта «Абай бол, жас дос!» атты республикалық алдын-алу іс-шаралары өтуде. Бұл акцияның негізгі мақсаты: мектеп жасындағы балалар мен жасөспірімдер арасындағы жол көлік және тұрмыстық жарақаттанушылық мәселесіне мемлекеттік органдардың, көпшіліктің назарын аудару.
Балалар біздің келешегіміздің кепілі, дені сау ұрпақ Қазақстанның қарыштап қанат жаю жолында бүгінді еретңге жалғаушы дәнекер. Осы жолда жас ұрпаққа саналы білім мен рухани тәрбие беріп қана қою аз, біз оларға төнетін өзге де қауіптің алдын қажет. 
Қазақстанда жыл сайын зақымданудан 22 мың адам көз жұмады. Әсіресе, бұл қауіп-қатерге жастар мен балалар көп ұшырайды: 100 мың балаға 3,5 мыңнан келеді. Қалалы жерлерде балалар 3 есе жиі жарақаттанады және балалар мен жеткіншектер арасында абайсызда болатын өлім себебі жол-көлік оқиғасы болып табылады.
Бұл акциядан тыс уақытта да балалар жарақатын болдырмау мақсатында оқушыларға тәрбие сағаттарының барысында ақпарат беріліп отырылады. Мысалы, 2в сыныбында - «Жолда жүру тәртібін, жадыңда ұста жас ұлан!», 5ә сыныбында - «Абай бол, жас дос!», 5в сыныбында - «Жол тәртібін білейік, аман есен жүрейік», 8в сыныбында - «Көшеде сақ бол!» тақырыбымен тәрбие сағаттары өткізілді. Сонымен бірге, мектебімізге ҚІІБ полиция қызметкері капитан – Курмашев А.Б. мектеп оқушыларымен кездесу ұйымдастырып, олардың көкей-кесті сұрақтарына статистикалық деректер келтіре отырып жауаптар қайтарды. Оқушылар бойына жол ережесін бұзу, оған бағынбау - өте үлкен сауатсыздық және жауапкершіліктің төмендігі екендігін әңгіме барысында жеткізді.