Намыс Аймұхаммед

        4 А сынып оқушысы

Эссе.

Сүйікті қалама сүйсіне қараймын.

         Менің қалам, туған өлкем... Иә, дүние жүзіндегі барлық адамзат баласы осы сөздерді ерекше сезіммен айта алады. Менің туып өскен өлкем – Қарағанды шаhары, кеншілер мекені. Оның  жүрегімде алатын орны ерекше. Шаһардың Сарыарқа жазығында жазыла көтерілген әсемдігі көз тартпай қоймайды.

         Қаламның табиғаты көркем, қазынасы мол, тұрғындары жылы жүзді. Жылдан жылға қала өзгеріп, жаңа мекемелер, тұрғын үйлер бой көтеріп, жаңарып келеді. Өлкемізде әсем ғимараттармен қатар спорт, мәдениет те дамуда.   

         Қарағандыда ата-анамызбен, бауырларымызбен бірге демалып, таза ауада серуендейтін ірі үш саябақ, үлкенді-кішілі ойын алаңдары көп. Цирк, театр, спорт алаңдары, кинотеатрлар баршылық. Қаланың орналасуы да ерекше, есте қаларлық. Алыстан ағайындар келгенде қаламды мақтанышпен таныстырып, бірге қыдырамыз.

         Осындай қалама биыл сексен жыл. Қарағандыдай жері шұрайлы, шөбі шүйгін,көрікті өлкені мен әрқашан да мақтан тұтамын. Оның көркейіп, бүгінгіден де бой алуына бар күшімді саламын. Сүйікті қалама сүйсіне қараймын.Себебі, ол менің туған өлкем!