Куралов Темирлан

4 А сынып оқушысы

Эссе.

Менің сүйікті қалам – Қарағанды.

         Өзін бақыттымын деп санайтын әрбір адамның кіндік қаны тамып, туып-өскен атамекені бар. «Атамекен», «туған жер» сөздерінің мағынасының өзі тереңде жатыр. Әрине, туып-өскен жеріңнің самал желіне еркелеп, кәусәр суына сусындап өскенге не жетсін?! Мен үшін одан артық асқан бақыт жоқ.

         Менің туған жерім Сарыарқаның төрінде орналасқан бірнеше жылдық тарихы бар – Қарағанды шаhары. Иә, мен - қарағандылықпын және оны мақтанышпен айтамын. Қарағанды қаласында туып-өскеніме, осы қаланың қазіргісі мен болашағы болғаныма алғысым шексіз!

        Бүгінгі  таңда Қарағанды шаhары ең ірі қалалардың бірі болып саналады. Себебі, жерінің көлемі жағынан да, жер қойнауындағы қазынасы жағынан да алғашқы орындарды иемденеді. Сонымен қатар, бұл қала -  елімізге еңбегі сіңген көптеген ірі тұлғаларымыздың, ақын-жазушыларымыз бен әншілеріміздің туған өлкесі.

        Болашақта қаланы көркейту, елдің елдігін сақтау, мәртебесін асқақтату біздің қолымызда. Сол себептен де, менің басты арманым – оқуымды үздік аяқтап, туған өлкем – Қарағанды қаласының өркендеуіне, жетіліп-дамуына бар үлесімді қосу.