2013 жылдың 18-ші наурыз күні 3А сыныбында сынып мұғалімі М.Б. Кошикова мен ата-аналардың ынтымақтасуымен "Наурыз - думан" ертеңгілігі өткізілді. Ертеңгілік өте мазмұнды өткізілді. Ертеңгілікке ата-аналар да атсалысты.

Наурыз мерекесі оқушылардың "Наурыз мерекесі, ол - қандай мереке? Наурыз деген сөз нені білдіреді?" - деген сауалдардан басталды. Сауал қоя отырып, сол сауалдың жауаптары көріністермен, өлең, би, күй, ертегі кейіпкерлерінің, Қожанасыр мен Тазша баланың, Жиреншенің келуімен, Қызыр атаның, Көктем мен Жылан жылының келуімен өрнектелді. Ертеңгілікте Дания мен |Сабинахан "Самалықты" өте әдемі орындады. "Сұратқан хан ақымақ па, сұраған сен ақымақ па?" ертегісі өте жоғары сахналанды.

Балалар Наурыз күнгі сәлемдесудің қалыптасқан дәстүрін көрсетті. Наурыз - тілектер айтылды. Ертеңгілік соңында ұлттық спорт ойындары, ата-аналардың қатысуымен жарыстар өткізіліп, әжелер дайындаған Наурыз көжеден дәм татты.

Ертеңгілік соңында Мағрипа апай: "Дәл бүгін күн мен түн теңелетін күн, суық пен жылылық алмасатын күн, қыс пен көктем ауысатын күн, тоң еріп, топырақ жібитін күн, дән бусанып, жан жасарып, ұйықтап қалған жәндікке жан бітетін күн, өнетін, өсетін нәрсенің бәрін де тіршілік белгісі басталады. Сондықтан ол - Ұлыстың Ұлы күні. Сондықтан оның аты - Наурыз. Сондықтан да жылдың басын - Наурыз, - деп бағалаған.

Ақ жол, саған, Ұлыстың ұлы күні, Наурыз! - деген тілекпен аяқтады.