Қазақстан Республикасының Тәуелсіздігінің 30 жылдық мерейтойы, Ұлы Отан соғысындағы Жеңістің 76 жылдық мерейтойы қарсаңында 5 мамыр күні мектебімізде «Жас Ұлан» күніне арналған «Жас Ұлан» балалар мен жасөспірімдер ұйымына қабылдау салтанатты жиыны онлайн режимде ZOOM платформасында өткізілді. «Жас Қыран» ұйымына 25 оқушы қабылданды. Жиынға сынып жетекшісі, мектеп әкімшілігі, ата-аналар, аға тәлімгер мен мектеп Ұланбасы қатысты. Салтанатты жиын Қазақстан Республикасының әнұранымен ашылды. Ұйымға қабылданушы оқушылар «Өз Отаны – Қазақстанның патриоты болуға, «Жас Ұлан» ережесін бұлжытпай сақтауға, өзінің достарынан соны талап ете отырып, Отанды сүюге салтанатты түрде ант берді. Жиын соңында директордың тәрбие ісі жөніндегі орынбасарының міндетін атқарушы Мизамхан Алтынгүл ұйымға қабылданған оқушыларға құттықтау сөзін сөйледі. Қабылданатын оқушылар «Жас Ұлан», «Жас Қыран» қатарына өтудегі жауапкершіліктің мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді. Ұйымға қабылданған оқушыларды шын жүректен құттықтаймыз!!!
