Рысқалиева Әлия

3А сынып оқушысы

Қарағанды қаласы

№ 66 ЖББОМ

 

Менің Президентім

      Бірінші желтоқсан - Тұңғыш Президент күні.  Нұрсұлтан Әбішұлы Назарбаев – Қазақстан Республикасының Тұңғыш Президенті.  Бұл адамды балабақшадағы сәбиден бастап, еңкейген кәріге дейін біледі. Еліміздің алға қойған мақсаты мен міндеттерін, қуанышы мен жетістігін сенімділік пен үмітті басшылыққа ала отырып алға тартып келеді. Отанымыз тыныш, көрші елдермен тату- тәтті, бейбіт өмір сүріп келеміз.

     Қаз тұрып келе жатқан жас мемлекетіміздің  әрі қарай дамуының басында бірінші күннен бастап осы кісі тұр. Кемені басқарған штурман да, бағыт көрсетуші де Елбасымыздың өзі, сондықтан да мемлекетіміздің әр азаматы болашаққа деген сенімділікпенөмір сүруде.

     Нұрсұлтан атамыз балалардың үлкен досы. Балаларға үлкен қамқорлық көрсетуде. Соның бір дәлелі біздің сүйікті қаламызда Нұрсұлтан зияткерлік мектебінің таяу уақытта ашылуы. Менің арманым Президент атамыздың атындағы мектепте оқып, елімнің үмітін ақтау. Біз болашаққа сеніммен қараймыз, ал болашақ біздің қолымызда. Мен елімнің өркендеуіне, гүлденуіне өз үлесімді қосамын. Нұрсұлтан атам сияқты өз елімді, өз жерімді шексіз сүйіп, Отан алдындағы борышымды орындауды азаматтық парызым деп түсінемін. Біз, балалар, Президентпен бірге бақыттымыз!

 

Какенова Арайлым

3А сынып оқушысы

Қарағанды қаласы

№ 66 ЖББОМ

Менің Президентім

       Біздің Отанымыз - Қазақстан Республикасы. Біз осы елде тұрып жатқанымыз үшін бақыттымыз. Елімізде мен сияқты көптеген балалар білім алып жатыр. Мен үшінші сыныпта оқимын. Басқа балалар сияқты мен де өте жақсы оқуға тырысамын. Біздің осылай білім алып жүргеніміз еліміздің Тұңғыш Президенті Н.Ә.Назарбаевтың арқасы. Себебі бізге оқу үшін барлық жағдай жасалған.

       Біз әлі төменгі сынып оқушысы болсақ та, көрші елдерде болып жатқан соғыстарды, оқиғаларды теледидардан көріп, естіп жүрміз. Ал біздің елімізде тыныштықтың болуы Президентіміздің арқасы деп білеміз. Елімізде жүз отыздан астам ұлт тату- тәтті өмір сүруде.

      Биылдан бастап бірінші желтоқсан -Тұңғыш Президент күні болып аталып өтіледі. Біз, үшінші сынып оқушылары, осы күнді қарсы алуға үлкен дайындық үстіндеміз. Біз, Қазақстанның болашағы, қазіргі мектеп оқушылары Елбасы Нұрсұлтан атамыз осы құрметке лайық деп айта аламыз, себебі атамыз балаларға да үлкен көңіл бөлуде. Қаламызда Тұңғыш Президент күніне қарсы Назарбаев зияткерлік мектебі ашылмақшы. Қай оқушы осы мектепте оқуды армандамайды десеңізші! Бұл мектептің оқушысы атану біздің де арманымыз.

      Президентіміз бізге: «Еліңнің патриоты бол!» дейді. Біз елімізді Нұрсұлтан атамыздай сүйеміз, еліміздің патриоты боламыз, еліміздің өркендеуіне, гүлденуіне өз үлесімізді қосамыз. Біз елімізді Нұрсұлтан атамыздай Президенттің басқарғанына қуанамыз, біз Президентпен бірге бақыттымыз!

 

Султанбекова Алуа  

3 А сынып оқушысы

Қарағанды қаласы   

№ 66  ЖББОМ

                                             

            Менің Президентім

         Туған елім, кең байтақ дархан далам – менің мақтанышым. Себебі, мен осы дархан далада дүние есігін аштым. Осы жерде алғаш қадам бастым, мектепке бардым. Менің  қасиетті Отаным – қазақтың киелі жері!

         Сол киелі жерде қаншама талантты да зиялы, ақылды да мейірімді адамдар дүниеге келді! Сондай адамдардың бірегейі деп мен Нұрсұлтан атам Әбішұлы Назарбаевты айтар едім. Бұл адамды балабақшадағы сәбиден бастап, еңкейген кәріге дейін біледі. Елімнің алға қойған мақсатты мен міндеттерін, қуанышы мен жетістігін сенімділік пен үмітті басшылыққа ала отырып алға тартып келеді.

         Нұрсұлтан Әбішұлы Назарбаев – Қазақстан Республикасының тұңғыш Президенті. Биыл алғаш рет бірінші желтоқсанда -  Тұңғыш Президент күні мерекеленеді. Мемлекетіміздің әр азаматты болашаққа деген сенімділікпен өмір сүруде.

         Нұрсұлтан атамыз балаларға үлкен қамқорлық көрсетуде. Соның бір дәлелі Астанада және басқа да қалаларда Нұрсұлтан зияткерлік мектебінің ашылуы,ал біздің сүйікті қаламызда таяу уақытта ашылады. Менің арманым сол мектептің үмітін ақтайтың үлгілі оқушысы атану. Біз болашаққа сеніммен қараймыз, ал болашақ біздің қолымызда. Мен елімнің өркендеуіне, гүлденуіне өз үлесімді қосамын. Нұрсұлтан атам сияқты өз елімді, өз жерімді шексіз сүйіп, Отан алдындағы борышымды орындауды азаматтық парызым деп түсінемін.Менің Президентім аман болып,ұзақ өмір сүруіне тілектеспін. Біз, балалар, Президентпен бірге бақыттымыз!

 

Тынысбек Ақерке

3А сынып оқушысы

Қарағанды қаласы

№ 66 ЖББОМ

 

Менің Президентім

        Қазақ халқының атын әлемге танытқан, алаш баласының абыройын асқақтатқан тұлға – ол – Елбасы, ол – менің Президентім!

       Нұрсұлтан ата Әбішұлы Назарбаев – Қазақстан Республикасының Тұңғыш Президенті. Ол – талантты тұлға, өз елін, жерін сүйетін ұлтжанды азамат. Оның еліне, жеріне деген махаббатын естімеу, көрмеу мүмкін емес. Біз оны Елбасымыздың әрбір ісінен, сөйлеген сөзінен, халыққа жолдаған жолдауынан сезінеміз.

        Мемлекет басқару – бұл өте қиын іс, мәртебелі міндет. Біздің Елбасымыз осы істерді атқаруға бар күш – жігерін жұмсайды. Қазақстанның әр облыс орталықтарына, аудандарына, қала, ауылдарына барып, халықпен кездеседі, біз сияқты оқушылармен кездеседі. Балаларға көп көңіл бөледі, олардың тілектерін тыңдайды, мәселелерді шешеді.

       Елбасымыздың игі істерінің бірі – мемлекетіміздің Тәуелсіздігі. Тәуелсіздіктің арқасында еліміз көркейіп, Астанамыз гүлденіп келеді. Біздің елде тұратын жүз отыздан астам ұлт өкілдері бір – бірімен тату – тәтті тұрады.

      Біз ең бай мемлекетпіз, халқымыз ең бақытты халық. Даламыз егісті, Ордамыз кеңесті! Біз өз болашағымызға сенімдіміз, біз өзіміздің Елбасыға сенім артамыз! Нұрсұлтан ата Әбішұлы Назарбаев -  менің Президентім!

Исагулов Данияр

3А сынып оқушысы

Қарағанды қаласы

№ 66 ЖББОМ

Менің Президентім

     Нұрсұлтан Әбішұлы Назарбаев – тәуелсіз Қазақстанның Тұңғыш Президенті. Ол кісінің бастамасымен тәуелсіз қазақ елінде дүниежүзілік – тарихи маңызы бар істер атқарылды. 1991 жылдың күзінде қырық жылдан астам уақыт бойы адамзат баласына от бүркіп, апат қаупін төндіріп келген Семей ядролық сынақ полигоны жабылды. Туған елінің тыныштығын, адамзаттың қауіпсіздігін ту еткен Н.Назарбаев Америка Құрама Штаттарының, Ресейдің, Францияның билеушілерімен ұзақ та күрделі келіссөздер жүргізіп, ядролық қаруды Қазақстаннан аластауға 1994 жылы келісті. 1995 жылы соңғы ядролық қару қазақ елінен әкетілді.

      Нұрсұлтан ата жастарға, оның ішінде  балаларға  көп көңіл бөледі. «100 аурухана, 100 мектеп» бағдарламасы бойынша көптеген істер тындырды. Менің сүйікті қаламда , менің көз алдымда аз ғана уақыттың ішінде өз ана тілімізде  оқитын сәулетті мектептер, С.Сейфуллин атындағы драма театры, ауруханалар,мешіт, «Қарағанды Арена» мұз сарайы, Теннис орталығы, Бокс орталығы,  әдемі ғимараттар бой түзеді.

       Биыл бірінші рет біздің еліміз Тұңғыш Президент күнін атап өтпекші.Атаулы күнге біз де өз үлесімізді қоспақшымыз. Мереке  қарсаңындағы бестік бағаларымызды Президент атамызға арнаймыз. Атамыздың жасы ұзақ болып, бізбен бірге қуана берсін. Біз Президентпен бірге бақыттымыз!