Бүгін  14  маусым күні КММ №66 мектеп-лицейіндегі «Балдаурен» жазғы сауықтыру лагерінің жабылу салтанаты өтті. Мектеп алаңында «Балдаурен» жазғы сауықтыру лагерінің 1 ауысымының жабылуына арналған концерттік бағдарлама өткізілді. Концерттік бағдарламада 1, 2 сынып оқушылары жаз туралы өлеңдер оқыды, «Аяла» хореографиялық ансамблі билер орындады, 1-4 сынып оқушылары көңілді әндер айтты, балалар бірігіп флешмоб биледі. 1 ауысым уақытында лагердің жұмысына белсенді қатысқан топтар мен балалар мақтау қағаздарымен марапатталды. Сонымен қатар, топтарға «Ең үздік», «Ең тапқыр», «Ең шапшаң», «Өте көңілді» атты номинациялар берілді. «Балдаурен» жазғы сауықтыру лагерінің қабырғасындағы 4 үйірме өзінің жұмысын қорытындылады. Жазғы сауықтыру лагерінің 1 ауысымының соңғы күні өте көңілді және қызықты өтті. Лагерьдің әкімшілігі барлық педагогикалық ұжымға бірлескен және нәтижелі жұмыс үшін алғыс білдіреді! 2 ауысымда кездескенше!