Бүгін мектебіміздің жиын залында 8-сынып оқушылары үшін маңызды әрі тағылымды кездесу өтті.
Кездесу барысында Қарағанды облысының дін істері басқармасының оңалту бөлімінің бастығы, теолог Рымқұлов Сұлтан Аманболұлы «Діни экстремизмнің зардаптары» тақырыбында дәріс оқыды.
Дәріс барысында спикер діни экстремизмнің қоғамға, жеке тұлғаға тигізер кері әсері, жастардың теріс ағымдардың жетегіне кету себептері және одан сақтану жолдары туралы кеңінен түсіндірді. Оқушылар өздерін толғандырған сұрақтарына жауап алып, пайдалы ақпаратқа қанықты.
Аталған кездесу оқушылардың діни сауаттылығын арттырып, дұрыс көзқарас қалыптастыруға, қоғамдағы бейбітшілік пен тұрақтылықтың маңызын түсінуге зор ықпал етті.https://www.instagram.com/p/DTzmd3citxe/?utm_source=ig_web_copy_link&igsh=MzRlODBiNWFlZA==