Қарағанды облысының Білім басқармасының мемлекеттік әлеуметтік тапсырысы аясында Қарағанды қаласының №19 мектебінің оқушылары үшін нашақорлықтың алдын алу тақырыбында семинар-тренинг өткізілді

Қарағанды облысының Білім басқармасының мемлекеттік әлеуметтік тапсырысына сәйкес Қарағанды қаласының №19 мектебінде кәмелетке толмағандар арасында нашақорлықтың алдын алу және оқушылардың өз денсаулығына саналы көзқарасын қалыптастыруға бағытталған семинар-тренинг ұйымдастырылып, өткізілді.

Іс-шара барысында қатысушыларға психоактивті заттардың түрлері, олардың адам денсаулығына тигізетін физикалық және психологиялық зияны, сондай-ақ тыйым салынған заттарды сақтау, қолдану немесе таратуға байланысты заңды жауапкершілік туралы ақпарат ұсынылды. Семинар-тренинг интерактивті тапсырмалармен, бейнематериалдармен және оқушылардың қауіпсіз шешім қабылдау дағдыларын дамытуға, қауіп-қатерлі мінез-құлықтан бас тартуға бағытталған талқылаулармен толықтырылды.

Семинар-тренингтің өткізілуі оқушылардың нашақорлықтың зияны туралы білімін арттыруға, салауатты өмір салты құндылықтарын нығайтуға және қауіпсіз болашақты таңдауға деген тұрақты мотивация қалыптастыруға ықпал етті.https://www.instagram.com/p/DSITx6bDQnz/?utm_source=ig_web_copy_link&igsh=MzRlODBiNWFlZA==