Бүгін мектебімізде кәсіби бағдар беру жұмысы аясында 9–11-сынып оқушыларына арналған кездесу өтті.Кездесуді Азаматтық қорғаныс саласының аға лейтенанты Бақриден Саят Айдарұлы жүргізді. Іс-шара барысында ол оқушыларға Қазақстан Республикасы Төтенше жағдайлар министрлігіне қарасты Мәлік Ғабдуллин атындағы Азаматтық қорғау академиясына түсу шарттары мен талаптары жөнінде кеңінен мағлұмат берді.

Кездесу барысында қатысушылар болашақ мамандық таңдау, азаматтық қорғау саласындағы қызметтің маңызы мен жауапкершілігі туралы құнды ақпарат алды. Шара оқушылардың кәсіби бағдарын айқындап, азаматтық борыш пен ел қауіпсіздігіне деген қызығушылығын арттырды.