025 жылдың 24 қазан күні №19 мектепте Республика күніне орай «Тұлғатану» жобасы аясында «Ұлы тұлғалар мұрасы – ұрпаққа аманат» атты қалалық ғылыми-танымдық алаңда Алаш қозғалысының жетекшісі, көрнекті мемлекет және қоғам қайраткері Әлихан Бөкейханның 160 жылдық мерейтойына арналған «Әлихан Бөкейхан: кешегі мұрат – бүгінгі мақсат» тақырыбында мазмұнды дөңгелек үстел өтті. Дөңгелек үстелге Қарағанды Медицина университеті Қазақстан тарихы және әлеуметтік-саяси пәндер кафедрасының ассистент-профессоры, «Күретамыр» тарихи-өлкетану үйірмесінің жетекшісі Абдрахманова Камшат Жақсылыққызы қатысты. Сондай-ақ, «Ұлтқа қызмет» спектаклінде Әлихан Бөкейханның рөлін сомдаған Айдос Нұрмағамбет те арнайы келіп, шараның маңызын арттырды. Камшат Жақсылыққызы өз сөзінде Әлихан Бөкейханның ел үшін атқарған еңбегі, Алаш идеясының құндылығы және ұлттық мұраттың бүгінгі ұрпақ үшін маңызы жөнінде ой қозғап, жастарды ұлттық құндылықты бағалауға шақырды. Ал Айдос Нұрмағамбет тұлғаның бейнесін сахнада сомдау барысындағы әсерімен бөлісіп, оқушыларға рухты ой тастады.Шара барысында пікір алмасу алаңы ұйымдастырылып, оқушылар Әлихан Бөкейханның қоғамдық-саяси көзқарастары, мемлекет дамуына қосқан үлесі жөнінде сұрақтар қойып, белсенді талқылау жүргізді.

Іс-шара соңында Камшат Жақсылыққызы мен Айдос Нұрмағамбетке шараға белсенді қатысқаны үшін алғыс хаттар табысталды. Сонымен қатар, «Тұлғатану» жобасына ерекше естелік ретінде Камшат Жақсылыққызы Әлихан Бөкейхан бейнеленген монетаны сыйға тартты.

https://www.instagram.com/p/DQOF2t-CA3Z/?utm_source=ig_web_copy_link&igsh=MzRlODBiNWFlZA==