2025 жылдың 18 қыркүйегінде Оңтүстік-Шығыс полиция бөлімінің инспекторы, полиция аға лейтенанты Иманбекова Н.Т. Мектепте 7–10 сынып оқушыларына арналған құқықбұзушылықтың алдын алу бойынша түсіндірме жұмыстары жүргізді.
Іс-шара барысында оқушыларға құқықтық нормалар, жасөспірімдердің заң алдындағы жауапкершілігі, сондай-ақ құқықбұзушылықтың салдары туралы кең көлемде ақпарат берілді. Полиция инспекторы күнделікті өмірде жиі кездесетін құқықтық жағдайларды мысалға келтіре отырып, оқушылардың қызығушылығын тудырған сұрақтарға нақты әрі мазмұнды жауаптар берді.
Аталған шара жасөспірімдердің құқықтық сауаттылығын арттыруға, тәртіп бұзудың алдын алуға және заңға құрметпен қарауға тәрбиелеуге бағытталды.