2025 жылдың 5 қыркүйек күні мектебімізде 6-11 сыныптың ер балаларымен «Біртұтас ел – Біртұтас жер» тақырыбында тағылымы мол ерлік сабағы өткізілді.
Бұл кездесуге Қарағанды облысы Қорғаныс департаменті басшысының орынбасары, подполковник Е. С. Мұстагұлов арнайы қатысып, жас ұрпаққа Отанға деген сүйіспеншілік, ел бірлігі мен жер тұтастығының маңызы жөнінде мазмұнды дәріс оқыды. Ол өз сөзінде әрбір ер азаматтың басты борышы – туған жерін қорғау, елдің тыныштығы мен тәуелсіздігін сақтау екенін айрықша атап өтті.
Сабақ барысында оқушылар ерлік, батылдық пен патриотизм жайлы терең ой түйіп, өздерінің көкейлерінде жүрген сұрақтарына жауап алды. Жастарға жігер мен рух сыйлаған бұл кездесу ерекше әсер қалдырды.
Шара соңында оқушылар подполковник Е. С. Мұстагұловқа алғыстарын білдіріп, нағыз ел қорғаушы болудың асқақ мәртебе екенін тағы бір мәрте сезінді. 

https://www.instagram.com/reel/DON_FYSiktg/?utm_source=ig_web_copy_link&igsh=MzRlODBiNWFlZA==