Бүгін мектебімізде Көрісу күні мерекесі аталып өтті. Бұл күні жасы кішілер ақсақал-әжелердің үйіне барып, көрісіп, ілтипат білдіреді. Жасы үлкендер кішілерге бата береді, бір-бірлеріне реніштерін кешіріп, «Бір жасыңмен» деп жатады.
Мерекенің мақсаты: қазақ халқының рухани байлығын, ұлттық бірегейлігін сақтау және жаңару. Бұл күннің маңыздылығы оның қоғамдағы үйлесімділік пен тыныштыққа үлес қосуында. Көрісу күні адамдар өздерінің жақындарымен, көршілерімен, достарымен кездесу арқылы өзара көмек көрсетіп, күнделікті өмірде болатын қиындықтарды жеңуге бірге атсалысады. Мұндай мерекелер арқылы ұлттық дәстүрлер мен әдет-ғұрыптарды ұрпақтан-ұрпаққа жеткізу мақсатында, жастарға отбасылық және әлеуметтік құндылықтарды түсіндіруге үлкен мән беріледі.
Амал келді, Жыл келді! Жаңа Жыл бақыт бастауы болғай! Көрісу күні құтты болсын!