2026 жылдың 4–5 сәуір күндері «Кәусар» оқушылар сарайында қосымша білім беру ұйымдарының білім алушыларына арналған «Арт Феерия» қалалық ашық шығармашылық байқауы өтті. Іс-шараның мақсаты – дарынды балаларды анықтау, олардың шығармашылық қабілеттерін дамыту және өнерге деген қызығушылықтарын арттыру.

Байқау екі бағыт бойынша ұйымдастырылды: вокал және хореография.

4 сәуір күні «Вокал» бағыты бойынша байқауға 11 жалпы білім беретін мектептің, 3 мектепке дейінгі ұйымның және 6 қосымша білім беру мекемесінің білім алушылары қатысып, өз өнерлерін ортаға салды. Қатысушылардың орындаушылық шеберлігі, сахналық мәдениеті және вокалдық мүмкіндіктері қазылар алқасы тарапынан жоғары бағаланды.

5 сәуір күні «Хореография» бағыты бойынша өнер көрсеткен қатысушылар қатарында 8 қосымша білім беру мекемесі, 7 жалпы білім беретін мектеп және 2 балабақша ұжымдары болды. Айта кететін жағдай бір мекемеден екі-үш  ансамбльден қатысты.

Байқау барысында қатысушылардың шығармашылық деңгейі, дайындық сапасы мен сахналық мәдениеті айқын көрініс тапты. Жеңімпаздар мен жүлдегерлер арнайы дипломдармен және алғыс хаттармен марапатталды.

Аталған іс-шара жас өнерпаздардың шығармашылық әлеуетін дамытуға, тәжірибе алмасуына және өнер саласындағы ынтымақтастықты нығайтуға өз үлесін қосты.