«Кәусар» оқушылар сарайында педагогтердің кәсіби құзыреттілігін арттыруға және заманауи білім беру технологияларын тәжірибеге енгізуге бағытталған әдістемелік іс-шара өткізілді. Іс-шара аясында бірқатар шеберлік сыныптары ұсынылды:
– Ибраева А. С. «Gemini — қосымша білім беру педагогінің жеке AI-ассистенті» тақырыбында шеберлік сыныбын өткізіп, жасанды интеллект құралдарын сабақ жоспарлау, дидактикалық материалдар әзірлеу және оқу процесін ұйымдастыру барысында қолдану жолдарын көрсетті.
– Камалова Н. «Magic School, Curipod — педагог жұмысында практикалық қолдану» тақырыбында шеберлік сыныбын өткізіп, интерактивті тапсырмалар әзірлеуге арналған заманауи онлайн платформалардың мүмкіндіктерін таныстырды.
– Данагулова А. М. «Әдістемелік жаңалық — авторлық ойын сабақ жандандыру құралы ретінде» тақырыбында шеберлік сыныбын ұсынып, білім алушылардың танымдық белсенділігін арттыруға бағытталған ойын технологияларын тәжірибе жүзінде көрсетті.
Іс-шара барысында педагогтер өзара тәжірибе алмасып, білім беру процесінде қолданылатын тиімді әдістер мен құралдар бойынша пікір алмасты.
Авторство:
