Қаңтар айында қол қойылған Меморандум аясында Кәусар оқушылар сарайы Әбілқас Сағынов атындағы Қарағанды техникалық университетінің бір топ оқытушы-ғалымдарымен кездесіп,  біріккен жұмыс жоспарын талқылады. 

Кездесу барысында  қонақтар түрлі бағыттағы үйірмелердің жұмысымен, білім алушылардың жетістіктерімен және Оқушылар сарайының заманауи материалдық-техникалық базасымен танысып, қосымша білім беру саласындағы тәжірибе алмасу, болашақтағы ынтымақтастық мүмкіндіктері және жастардың ғылыми-техникалық әлеуетін дамыту мәселелері қарастырылды.

Бұл кездесуге Әбілқас Сағынов атындағы Қарағанды техникалық университетінің Ақпараттық технологиялар факультетінің деканы Калинин Алексей Анатольевич те қатысты.

Іс-шара  университеттің потенциалы мен оқушылар сарайының мүмкіндіктерін ұштастырып, тың жобалар бастамасы  болатыны сөзсіз.