Қош келдің, әз Наурыз!» мерекесіне орай Кәусар оқушылар сарайында кең көлемді концерттік бағдарлама ұйымдастырылды. Ұлыстың ұлы күні – Наурыз мейрамын дәріптеу, ұлттық құндылықтарды насихаттау және жас ұрпақтың шығармашылық қабілеттерін дамыту мақсатында өткізілген іс-шара жоғары деңгейде өтті.

Концерттік бағдарлама барысында оқушылар сарайының тәрбиеленушілері ән айтып, би билеп, көрермендерге көтеріңкі көңіл күй сыйлады. Әрбір өнер нөмірі ұлттық нақышпен безендіріліп, қазақ халқының мәдениеті мен дәстүрін айшықтай түсті. Сонымен қатар, қатысушылар өз өнерлері арқылы сахналық мәдениет пен шығармашылық шеберліктерін көрсете білді.

Аталған іс-шара білім алушылардың өнерге деген қызығушылығын арттырып, олардың шығармашылық әлеуетін дамытуға оң ықпал етті. Мерекелік концерт көрермендер тарапынан жоғары бағаланып, Наурыз мейрамының мәні мен маңызын тереңінен сезінуге мүмкіндік берді.