6 ақпан күні «Кәусар» оқушылар сарайының базасында Қарағанды қалалық AMANAT партиясының бастауыш партия ұйымы төрағаларының форумы өтті. Форумға AMANAT партиясының облыстық филиалы төрағасы Алтынбеков Бекзат Қомарұлы, Қарағанды қаласының әкімінің орынбасары Ләззат Төкенқызы, қалалық AMANAT партия филиалы төрағасы Бадина Юлия Викторовна және бастауыш партия ұйымы төрағалары мен мәслихат депутаттары, белсенді мүшелері қатысты.
Форум басталмас бұрын қонақтар Оқушылар сарайының жұмысымен танысып, үйірме мүшелерімен сұқбаттасты. Оқушылар сарайы директоры Айгерім Исбекова оқушылар сарайы тынысымен таныстырды. Қонақтар STEM лабораториясының педагогі Колчева Наталья Владимировнаның сабағына қатысып, Бекзат Қомарұлы оқушыларға арнаған сөзінде, олардың жақсы ынталарын атап өтіп, инженерлік жобаларына сәттілік тіледі және еңбек нарығында инженерлердің тапшы екенін айта отырып, оқушылардың болашағынан зор үміт күтетінін айтты.
Форумда партияның маңызды жобаларының жүзеге асуы барысы туралы құзыретті спикерлер, депутаттар сөз сөйледі. Қарағанды қаласы әкімінің орынбасары Ләззат Төкен партия бақылауындағы жобалар мен алдағы жоспарланған іс- шараларға тоқталып өтті. Ұлы Жеңістің 80 жылдығы мен ҚХА 30 жылдығы кең көлемде аталып өтетінін айтты. Форумның соңында оқушылар сарайының домбыра мен вокал үйірмелерінің оқушылары көрерменге шағын концертпен өнер көрсетті.
Авторство:
