Қазан айының дайжесті

14.10.2022 ж.

 «№2 оқушылар сарайы» базасында Республикалық "Балалар оқулары" байқауының облыстық кезеңі өтті. Мақсаты —  Қазақстан жерінің жас тұрғындары  арасында оқу мәдениетін дамыту және ілгерілету, білім алушылардың оқу сауаттылығын арттыру.

05.10. 2022ж.-13.10.2022 ж.

Осы күндер аралығында «№2 оқушылар сарайының» базасында Қарағанды облысының білім беруді дамытудың оқу-әдістемелік орталығының ұйымдастыруымен қазақ және орыс тілдерінде оқытатын орта білім беру ұйымдарының дене шынықтыру мұғалімдеріне арналған «Дене шынықтыру мұғалімінің кәсіби құзыреттілігі мен дағдыларын дамыту» білім беру бағдарламасы бойынша біліктілікті арттыру курсы өткізілді.

17.10.2022 ж.

 «№2 Оқушылар сарайының» базасында Қарағанды қаласының төтенше жағдайлар басқармасы мамандары «Жас құтқарушы» үйірмелерінің жұмысын ұйымдастыру жөніндегі мектеп оқушылар мен қауіпсіздіктің алдын алу сабақтарын өткізді. Шара мақсаты — қауіпсіздік ережелерін сақтау, өрттің алдын алу. Оқушыларға танымды видеолар көрсетіліп, құтқару жилеттерін кигізіп, өзін-өзі бақылау ережелерін көрсетті.

19.10.2022 ж.

 Республика күні қарсаңында өткізілген Қарағанды облыстық Білім басқармасы алқасының кеңейтілген кезекті отырысы өтті. Алқа отырысының соңы білім беруді дамытуға қосқан ерекше үлесі үшін бірнеше педагогтер, қарт ұстаздар ұлықталды.

20.10.2022 ж.

  «№2 оқушылар сарайы» базасында "ROBOT MOUSE" мектепке дейінгі білім беру мекемелеріне арналған мектепке дейінгі робототехника және бағдарламалау республикалық және халықаралық чемпионатының аясында өткізілген V ашық қалалық турнирі өткізілді. Турнирге 22 команда қатысып жүлделі орындарға ие болды.

21.10.2022 ж.

Сарайымызда Республика күні – ұлттық мерекеге орай салтанатты жиын өтіп, әнұран орындалды.

20.10.2022 ж.

 «№2 оқушылар сарайы» базасында 25 қазан-Республика күніне орай мұғалімдер арасында облыстық спартакиаданың салтанатты ашылу рәсімі өтті. Іс-шараны Қарағанды облыстық Білім басқармасы қолдауымен "Сарыарқа дарыны" аймақтық ғылыми-практикалық орталығы ұйымдастырып, өткізді. Мақсаты — білім беру ұйымдарының мұғалімдері арасында салауатты өмір салтын, достық пен ынтымақтастықты насихаттау.
Жарысқа облысымыздан 300-ден аса педагог қатысты. Спартакиада спорттың 3 түрі (волейбол, шағын футбол, үстел теннисі) бойынша өтті.

09.10.2022 ж.

Сарайымыздың психологі Б.Е. Тлеуханова үйірмелерімізге қатысатын балалардың ата-аналарымен «Жақсы көңіл – күй жан азығы» тақырыбында тренинг өткізді. Тренинг мақсаты:Ата-аналардың эмоционалды көңіл-күйлерін көтеру, өз-өздеріне құрметпен қарау, топтасып жұмыс істеу жүйесін әрі қарай дамыту, баламен жақсы қарым-қатынас орнату, бала тәрбиесіне көп көңіл бөлудің маңыздылығын ашу.

Шолу жасаған: Педагог-ұйымдастырушылар: Тиштық Б.Т. , Абдрахманова С.Б.