Қыркүйек айының дайжесті

01.09.2022 ж.

 «№2 оқушылар сарайының» ұжымы Мемлекет басшысы Қасым-Жомарт Тоқаевтың Қазақстан халқына «ӘДІЛЕТТІ МЕМЛЕКЕТ. БІРТҰТАС ҰЛТ. БЕРЕКЕЛІ ҚОҒАМ» жолдауын тікелей көрсетілім арқылы тындады.

05.09.2022 ж.

 Сарай ұжымының жаңа педагогтарына 2022-2023 оқу жылының кешенді жұмысын ұйымдастыру бойынша әдістемелік сағат өткізілді. Педагогтарға қосымша білім беру бағдарламасы жайында терең ақпарат беріліп, жазу үлгісі ұсынылып, бағдарламаның ерекшелігі туралы айтылды. Сонымен қатар, күнтізбелік-тақырыптық жоспар мен жеке жылдық жоспар кестелерін толтыруы туралы нұсқаулық көрсетілді.

15.09.2022 ж.

 «№2 оқушылар сарайы» балалар мен ата-аналар үшін Dana bala – dara bala" атты ашық есік күні өтті. 150-ден астам балалар мен ата-аналарға музыкалық құттықтау ұсынылып сарай бүлдіршіндері өз өнерлерін көрсетті. Экскурссия барысында ғылыми-жобалық, ғылыми-техникалық, музыкалық-эстетикалық, көркемдік, ерте даму, психолингвистикалық және әлеуметтік бағыттардағы 80-ге жуық үйірмелермен танысып, шеберханаларымен танысты.

17.09.2022 ж.

 «№2 оқушылар  сарайында» балалардың бос уақытын тиімді пайдалану мақсатында "ғылыми-жобалық және ғылыми-техникалық" бағыттарының апталығы өтті. Осы апталықтың аясында "Математика әлемі" үйірмешілерінің арасында "Математикалық викторина" іс-шарасы өткізілді.

20.09.2022 ж.

 «№ 2 оқушылар сарайының базасында» «Өрлеу» біліктілікті арттыру ұлттық орталығы» АҚ филиалы орта және қосымша білім беру ұйымдары педагогтерінің кәсіби құзыреттілігін арттыру мақсатында «Организация детской деятельности по робототехники и основам интернета вещей (IoT)» тақырыбында облыстық әдістемелік семинар өткізді.
Педагогтер кабинеттерінің материалдық техникалық базасын, "LEGO Education WeDo", "LEGO EV3, SPIKE PRIME, TETRIX" оқу платформаларын ұсынып, білім алушылар құрастырған роботтарын және олардың функционалдығын көрсетті. STEM-зертханасында "STEM-білім беру бойынша сыныптан тыс жұмыстарды ұйымдастыру" тақырыбында шеберлік сабағы өтті.

22.09.2022 ж.

"№2 оқушылар сарайының" психологы Тлеуханова Б.Е. ұйымдастыруымен жас мамандарға көмек көрсету және ұжымда психологиялық ахуал қалыптастыру, кәсіби құлшынысын арттыру, жігерлендіріп көңіл-күйін көтеру мақсатында «жас мамандармен» танысу, кеңес беру тренингі өткізілді. Ұжымда жағымды психологиялық ахуал қалыптастырып, өздерін ұжымның бір бөлшегі ретінде сезінуіне, бейімделуіне ықпал жасалатын әр түрлі ойындар мен тренингтер жүргізілді.

23.09.2022ж.

М.Әуезов атындағы орталық қалалық кітапханасы мен «№ 2оқушылар сарайы» бірлесіп «Қазақ би өнерінің ханшайымы» атты кеш өткізді.

28.09.2022 ж.

 «№2 оқушылар сарайының» базасында Қарағанды қаласының білім бөлімінің ұйымдастыруымен «Ұстаздар күні» мерекеcі қарсаңында мерекелік шара өткізілді.Мерекеге орай ұйымдастырылған шара барысында білім беру саласында жоғарғы жетістіктерге қол жеткізген ұстаздарға құрмет көрсету мақсатында түрлі деңгейдегі марапаттар табысталды.

30.09.2022 ж.

 Ұстаздар күні сарайымызда екінші жыл дəстүрге айналған "Ұстаздар –  ұлы тұлғалар!"атты мерекелік іс-шара өткізілді. Сондай-ақ, қаламыздың білім беру саласының дамуына зор үлес қосып, жас ұрпаққа сапалы білім беруде және қазақстандық патриотизм негізінде тәрбиелеуге қосқан үлесі үшін қосымша білім беру педагогтері марапатталды.

Шолу жасаған: Педагог-ұйымдастырушылар: Тиштық Б.Т. , Абдрахманова С.Б.