24.02.2022 ж №2 Оқушылар сарайында қаламыздың балаларына болашақ мамандығын анықтау мақсатында қызмет ететін Profi орталық ашылды. «Профи орталық – ЖОО мен оқушылар арасында көпір орнату, қаламыздың балаларына ЖОО, колледждер, мамандықтар туралы мейлінше ақпарат беру, мамандық анықтауға ықпал ету, қиын балалардың да болашақта өмірден өз орындарын табуына септігімізді тигізу үшін жұмыс істейтін алаң болып табылады. Жаңа мамандықтар көбеюде, сондықтан бұл алаңда жұмыс көп әрі қызықты болмақ»- деді сарай директоры Мукушева Салтанат Булатовна презентация барысында.
Профи орталықтың ашылу шарасында Қарағанды облысы білім басқармасының басшысы Г.Ш. Қожахметова облысымыздағы кәсіптік бағдар беру бағытында атқарылып жатқан жұмыстар жөнінде баяндап, Орталық жұмысына игі істер жолында сәттілік тіледі.
Келген қонақтар Профи орталықта пайдаланатын Робот бот, VR көзілдірікпен танысты, пайдаланып көрді, биыл ашылған №2 Оқушылар сарайы ғимаратына саяхат жасады, ал оқушыларға сонымен қатар мамандыққа бейімділікті анықтау тесті жүргізілді.
Profi орталығының есігі тек қаламыздың емес, мемлекетіміздің барша жоғары оқу орындары мен қаламыздың оқушыларына әрдайым ашық.