Қарағанды облысының қосымша білім беру ұйымдарының қазақ халық аспаптары бөлімшелерінің педагогтеріне арналған «Қыл-қобыз, прима-қобыз, домбыра, жетіген аспаптарында заманауи білім берудің мәселесі және ұлттық аспаптарда халық әндерінің орындалу ерекшеліктері» тақырыбындағы вебинар.

2021 жылғы 18 мамырда «Қарағанды облысының білім беруді дамыту оқу-әдістемелік орталығы» КМҚК және Қарағанды қаласының «№1 Балалар музыка мектебі» КМҚК Қарағанды облысының қосымша білім беру ұйымдарының қазақ халық аспаптары бөлімшелерінің педагогтеріне арналған «Қыл-қобыз, прима-қобыз, домбыра, жетіген аспаптарында заманауи білім берудің мәселесі және ұлттық аспаптарда халық әндерінің орындалу ерекшеліктері» тақырыбындағы вебинар өткізді.

Вебинарда Қарағанды қаласының №1 Балалар музыка мектебінің қазақ халық аспаптары бөлімшесінің, Тәттімбет атындағы Қарағанды өнерколледжінің, сондай-ақ, Мамандандырылған музыка мектеп-интернатыныңпедагогтері сөз сөйлеп, орындаушылық мәнер бойынша әдістемелік ұсыныстар келтірді, оқушылардың орындаушылық аппаратын техникалық жабдықтаудың мәнін айтты, қазақ халық аспаптары мен дәстүрлі әннің орындаушылық және педагогикалық мектебінің қалыптасу тарихымен таныстырды.

Жұмыс тәжірибелерімен бөлісті: Жаркынгуль Бырлесовна Садыкова, Катия Толепберген, Мадина Самитовна Жакупова (Қарағанды қ. Тәттімбет атындағы Академиялық қазақ халық аспаптары оркестрінің концертмейстері), Жазира Сериковна Сейфулгазина, Гульмира Тапай (Қ. Байжанов атындағы концерттік бірлестігінің солисі, Тәттімбет атындағы Қарағанды өнерколледжінің оқытушысы), Дәуренбек Мақсұтбекович Аркенов (Қазақстан Республикасының еңбек сіңірген қайраткері, Қ. Байжанов атындағы концерттік бірлестігі «Арай» ансамблінің көркемдік жетекшісі, Тәттімбет атындағы Қарағанды өнерколледжінің «Дәстүрлі ән айту» бөлімшесінің меңгерушісі), Марал Амангелдиевна Оразбекова (Мамандандырылған музыка мектеп-интернатының оқытушысы), Азат Әсетұлы Әбдіғалым (Тәттімбет атындағы Қарағанды өнерколледжінің оқытушысы).

Вебинарға Қарағанды облысының қосымша білім беру ұйымдарынан 45 педагог қатысты.