Қарашаның 30 күні мектебімізде Қазақстан Республикасының Тәуелсіздік күніне, 1917 жылдың желтоқсанында Алаш автономиясының құрылуына 105 жыл толуына орай "Тәуелсіз - Алаш ұрпағы" тақырыбында зиялы қауым өкілдерімен кездесу бағыты бойынша академик Е.А.Букетов атындағы Қарағанды университетінің тарих факультеті деканының тәрбие жұмысы жөніндегі орынбасары және гуманитарлық ғылымдар магистрі Әділет Бауыржанұлы Жағыпармен кездесу ұйымдастырылды. 11-сынып оқушыларымен Алаш автономиясының құрылуы туралы, сол кездегі өзекті мәселелерді қозғап, оқушылардың да сұрақтарына жауап берді. Кездесу өз мәнінде және жоғары деңгейде өтті. Болашақ мамандық туралы әңгіме жүргізіп, кез-келген адам өзінің сүйетін ісімен айналысып, көп еңбектену керек екенін атап өтті. Тарихтан сыр шертіп, тәуелсіз мемлекетіміз үшін, жанын берген, ұлттық мүддені өз мүддесінен жоғары қойған азаматтар туралы сөз қозғады. Оқушылар Алаш автономиясы туралы көп деректер естіп, білді. Мектеп директоры Сулейменов Мұратбек Балтаұлы келген қонағымызға алғыс білдірді.