29 сәуірде Академик Е.А.Бөкетов атындағы Қарағанды Университеті мектебіміздің болашақ түлектеріне өз есігін айқара ашты. Ашық есік күні – мектебіміздің 11 сынып оқушылары өз армандарына бір қадам жақындап, «оқуға түссем» деген мақсаттарын жүзеге асыру жолдарымен танысты.
Оқушылар оқуға түсу үшін қажетті әрі маңызда ақпараттармен танысып қана қоймай межелі балл туралы, оқу бағдарламалары мен академиялық жүктемелер жайлы қажетті ақпарат алды.
Университет қызметкерлері мен студенттері талапкерлерге оқу орнына түскеннен кейінгі өмірлері мен оқу орнының тыныс-тіршілігімен таныстырды. Мазмұнды презентациялар, фильмдер және маман дайындау бағыттары мен білім беру бағдарламалары көрсетілді.
Мамандықтардың таныстырылымынан кейін университет студенттері талапкерлерге зейіні мен зердесін шыңдайтын викториналық ойындар ойнатты. Оқушыларымыз ойынға қызыға белсенді қатысып, сұрақтарға дұрыс жауап берген 11 “А” сынып оқушысы Мұқышева Айым университеттің арнайы сыйлығына ие болды.
#buketov.university
Авторство:
