2023 жылдың 29 наурызында Қарағанды қаласы білім бөлімінің жоспарына сәйкес “Таңшолпан” бөбекжайының базасында мектепке дейінгі ұйымдардың қазақ тілі мұғалімдеріне “Ұлттық ойынды балабақшаның күн тәртібінде тиімді қолдану” тақырыбында семинар ұйымдастырылды. Семинарға қаламыздың 35 -тен астам педагогтері қатысты. “Таңшолпан” бөбекжайының директоры А.С.Сагитова “Ақсерек, көксерек” авторлық жобасының іске асырылуын баяндады. “Таңшолпан” б/б қазақ тілі мұғалімі Д.М.Асауова “Қазақ тілді үйрету: әдіс, тәжірибе, инновация” тақырыбында тәжірибе алмасып, “Мөлдір” б/б қазақ тілі мұғалімі А.С.Оразбекова қазақ тілін үйретудегі қызықты заманауи әдістерді көрсетіп, практикамен бөлісті. “Толағай” б/б қазақ тілі мұғалімі У.К.Тусупова “Асық ойыны - ұлттық бренд” жобасын ұсынды. “Көңілді асықтар” жаттығуын “Таңшолпан” б/б тәрбиешісі З.Б.Калинбетова ұсынып, қазақ тілі мұғалімі Д.М Асауова “Берекелі дастархан” тақырыбында кері байланыс жасады. Ұлттық құндылыққа негізделген семинар жоғарғы дәрежеде өтті.