11.02.2019 жылы Тілек бөбекжайында Педагогтар арасында Елбасы Н.Ә.Назарбаевтың «Ұлы даланың жеті қыры» мақаласы аясында семинар тренинг өткізілді. Іс-шараның негізгі мақсаты «Ұлы даланың жеті қыры» мақаласының негізгі идеясын насихаттау арқылы Тәуелсіз Қазақ Еліне деген құрметті күшейту, қазақ халқының тарихын, салт-дәстүрін, тілін ұлықтау және ұлы даламыздағы ұлттық құндылықтарымыз бен қасиетті жәдігерлеріміз туралы келелі мәселелерді талдау. Семинар тренингтің ұйымдастырушы жетекшісі педагог- психолог Тукенова Б.Ж және тәрбиешілер Мадешова А.А, Еспаева Р.О., Байболова Д.Ж., Абенова Г.С., Сайлаубекова Г.Қ., Орманова Ж.М. Елбасы Н.Ә.Назарбаевтың «Ұлы даланың жеті қыры» атты мақаласындағы берілген еліміздің рухани дамуы үшін жеті:1. Атқа міну мәдениеті 2. Ұлы даладағы ежелгі металлургия 3.Аң стилі 4. Алтын адам 5. Түркі әлемнің бесігі 6. Ұлы жібек жолы 7. Қазақстан –алма мен қызғалдақтың Отаны жеті тарихи жайтқа сүйенген ірі жоба жөнінде жан жақты білімдерін көрсетіп, мақала төңірегінде пікір алысып, ой бөлісті. Семинар тренингтен педагогтар Елбасының «Ұлы даланың жеті қыры» мақаласы туралы жан-жақты мәлімет алып, маңызды ой түйіп, мақалада айтылған ой-пікірлерді әрі қарай жоғары дәрежеде заманауи түрде жаңаша көзқараспен іске асырады деген ойдамыз деп бөбекжай директоры Р.А.Аугалиева түйіндеді. Семинар тренингтің соңы ән күй жетекшісі Л.К.Сахованың «Ұлы дала сарындары» атты балалармен өткізген әніне ұласты.