"Жұлдыз" балабақшасында жылдық жоспарға сәйкес сәуір айында ашық есік күні өтті. Бүгінгі таңда заманына сай зерделі, ой өрісі жоғары, жан-жақты дамыған ұрпақты қалыптастыруды мақсат етіп қойған балабақша педагогтары ұйымдастырған бұл күн бүлдіршіндердің музыкалық сәлемімен басталып, ата-аналардың көңіл -күйлерін көтерді. Ата-аналар балабақша ішіне саяхат жасап, балалардың күні бойы жайлы, жылы жерде тамақтарын ішіп, қажетті білімдерін алып жатқандарына дән ризашылығын білдіріп, балабақша меңгерушісі З.Сериковнаға, әдіскері Н.Боранбаевнаға және балабақша педагогтарына алғыстарын жаудырды. Бүгінгі жас ұрпаққа қамқорлық жасай отырып, оларды ізгілікке, адамгершілікке, адалдыққа, еңбек сүйгіштікке, Отанын сүюге тәрбиелеуде балабақша педагогтарының еңбегі зор екенін ата-аналар ерекше атап айтты.