“Жұлдыз” бөбекжайында қараша айының жылдық жоспары бойынша Ашық есік күні өткізілді. Ашық есік күні ата-аналар күннің бірінші жартысындағы балалардың таңғы жаттығуларын, таңғы ас және әр топтың бекітілген кестесіне сәйкес ұйымдастырылған оқу қызметтерін, серуен мен ойын әрекеттерін көрді. Ашық есік күніне ата-аналар қатысты. Қатысу мақсаты – балалардың білімін, белсенділігін байқау және көрнекі құралдардың пайдалануын сондай-қ балалардың үлгерімі мен талпынысын, танымдық қабілетін бақылау. Педагогтардың ұйымдастырылған оқу іс-әрекетіне дайындығы және ұйымдастыра алуы өте жақсы болды. Сонымен қатар оқу іс-әрекеті барысында қолданған әдістері мен тәсілдердің тиімділігі, көрнекіліктердің сапасы және мазмұндылығы, тәрбиешінің сөйлеу мәнері жоғары деңгейде болды. Ата-аналар балалардың белсенділік танытып, білімдерін көрсеткендерін көрді, өздерінің жақсы ой-пікірлерін қалдырды.