05.02.18 күні  Г.М.Мусаева  8«А» сыныбында биология пәнінен  «Жүрек қан- тамырлар жүйесінің аурулары»тақырыбында ашық сабағын өткізді. Үш тілділікті енгізу мақсатында  сабақтың ұйымдастыру, қорытындылау кезеңінде үш тілді қолданып  және тақырып бойынша үш тілде сөздік жұмысын жүргізді. Сабақта оқыту мен оқудағы жаңа тәсілдер, Сын тұрғысынан ойлауға үйрену, АКТ пайдаланылды. Үй тапсырмасын сұрау барысында  «Терминдер сөйлейді», «Жасырынған сандар», «Суреттерді сөйлет» әдістері, жаңа сабақты түсінуде «Галереяға саяхат», «Екі жақты күнделік», «Жылдам тап және боя» әдістері, сабақты қорытындылау кезеңінде «Блум түймедағы»әдісі қолданылды.  Жаңа тақырыпты түсінуде «Bilimland»сайтынан мәлімет тыңдатылды.Сабақ соңында оқушылар үй тапсырмасын алды, сонымен қатар бағалау парақшасын толтырып, сабаққа деген әсерлерімен кері байланыс арқылы бөлісті. Сабақ мақсатына жетіп, «Өте жақсы» өтті деп бағаланды.