8 а сынып оқушыларына Тұңғыш Президенттің мемлекет қалыптасуындағы, дамуындағы еңбегі, барша әлемге танылған, еңбектің шытырман жолдарынан өткен,  болашақты көрегенділікпен саралап, өткенінің өзі – көпке үлгі болар өмірбаянымен таныстыру мақсатында  «Елбасы мұраты- ел бақытты, гүлденген Қазақстан!»  атты  сынып сағаты өтті. Онда Президенттің өмірбаяны,еңбек жолы, елбасының қазіргі таңдағы жетістіктері туралы оқушылар мағлұмат алды,Елбасының елі үшін ұстанған сындарлы саясатына құрмет және патриоттық сезімінің қалыптасуына ықпал етілді.

 Сонымен қатар  осы мерекеге орай мектеп кітапханасында«Елімен бірге Елбасы»атты кітаптар көрмесі ұйымдастырылды. Көрмеге елбасының «Тарих толқынында», «Бейбітшілік кіндігі», «Тәуелсіздік белестері», «Сындарлы он жыл» әдеби кітаптары қойылды.Кітапханашы С.Ж. Ракишева оқушыларды  кітаптармен таныстырды.Оқушылардың басым бөлігінің кітап оқуға ынтасы артып, өзіндік ой-пікірлерімен бөлісті.