№ 12 жалпы білім беретін орта мектебінде «Қазақ тілін оқытуда АКТ-ны қолдану» тақырыбында қазақ тілі мен әдебиет пәні мұғалімдеріне арналған қалалық семинар болып өтті.

Семинарды қалалық білім бөлімінің әдіскері  Г.Б. Жаркеева ашып, қазіргі ақпараттық технологиялар дамыған заманда мектептегі оқыту үдерісін де уақыт талабына сай ұйымдастыру мәселесінің маңыздылығына , оқытудың тиімді әдістеріне және ақпараттанған қоғам қажеттілігін қанағаттандыру үшін білім беру саласындағы мұғалім   міндеттерін атап өтті.

Директордың оқу ісі жөніндегі орынбасары С.Е.Касенбекова өз сөзінде: білім беру жүйесін ақпараттандыру, оқытудың жаңа технологиясын енгізу, халықаралық коммуникациялық желілерге шығу-еліміздің басты міндеті екендігіне және нәтижеге бағытталған білім берудің жаңа жүйесіне көшу үшін әр мұғалім  күнделікті ізденіс арқылы жаңа ақпараттық технологияларға, әлеуметтік, тұлғалық және жеке құзыреттіктерге ие болуы тиіс екендігіне тоқталды.